arkiv

Månedlige arkiver: oktober 2017

Vreng – Del 1

Ein konsertserie der tradisjon møter eksperimentell musikk

Vrengplakat-1.jpg

IKUE MORI og KNUT HAMRE
I Visningsrommet USF
 12. oktober 2017 // kl. 19.00 // kr 150

Første konsertkveld opna med samspel med den legendariske spelemannen Knut Hamre frå Granvin på hardingfele, og impro- og elektronikkpionéren Ikue Mori frå Japan (busett i New York) på laptop. So spelte dei kvart sitt sett med stor musikk og særeigne uttrykk. Ein solid opning av konsertserien!

REOLÔ

I Studio USF
 12. desember 2017 // kl. 19.00 // kr 150

Tingingsverket frå Hilme-stemnet er tradisjon i ny drakt, nykomponerte slåttar og streif innom både Vest-Afrika og India på vegen gjennom norske dalføre. To særs spanande og nyskapande duoar; brørne Hans & Rasmus Kjorstad og Røine/Hulbækmo står bak verket Reolô.

SLAGR

I Studio USF
 8. februar 2018 // kl. 19.00 // kr 150

Slagr gir oss dronete og seindregen musikk i folkemusikalsk drakt, og eitt lydunivers med fargar frå middelaldermusikk, tradisjonsmusikk og vår eiga samtid. Lydbilete er grenselaust med cello, hardingfele og vibrafon som både kontrasterer og kompletterer kvarandre. 
Med Anne Hytta, Amund Sveen og Katrine Schiøtt.

INGFRID BREIE NYHUS og ANDRÉ VIDA
I Visningsrommet USF
 17. april 2018 // kl. 19.00 // kr 150
Ingfrid Breie Nyhus tek oss med ‘Slåttepiano’ til djupna av folkemusikkarva vår, med hardingfeleslåttar omarbeidd for klaver. Spelt med eit stort overskot og eigenart, som ber preg av å ha vakse opp tett på slåttemusikken.
Amerikanske André Vida, busett i Berlin, er ein eksperimentell komponist og jazzsaksofonist,
kjend for uortodokse arrangement, bruk av samples, og partitur for ei ny tid.
Me gler oss til å høyre kva han og saksofonane hans kjem med til VRENG.
Konsertserien VRENG bringer saman folkemusikkbaserte musikarar i nye settingar, i kombinasjon med kontrasterande uttrykk frå eksperimentell musikk.

Del 1 i serien går frå oktober 2017 til april 2018.
 Konsertane skjer i intime lokale – anten i kunstgalleriet Visningsrommet USF eller i blackboxscena Studio USF. Billettar blir selt online på Ticketmaster.no eller ved inngangen. Me oppfordrar til å kjøpe online. Medlemmar av nyMusikk får rabatt.

VRENG er eit samarbeid mellom Ny Musikk Bergen og USF Verftet. Støtta av Norsk Kulturråd.

Reklamer

Me i nyMusikk Bergen gler oss til å halde tre kveldar med Smalprat med komponist og perkusjonist Kjell Samkopf!

Dette er ein del av vår 100-årsmarkering av Komponistforeningen.

 

Nymusikkbergen2_small

Dette er ein serie huskonsertar i Prøvesalen på Griegakademiet under overskrifta USAL (Uninterrupted Sustained Attentive Listening). Her blir publikum presentert for eit lydkunstverk, som me høyrer på i hovudtelefonar. Etterpå har me høve til å ha ein samtale med komponisten.

På same måte som biletkunst gir oss høve til å utvikle vår evne til å sjå, gir lydkunst oss høve til å utvikle vår evne til å lytte. Gjennom våre liv har me utvikla vår lytting til en vanestyrt handling. For å bryte denne vanen, trengs det ihuga anstrenging.

Kjell Samkopf baserer sitt lydkunstarbeid på kjensgjerninga: Alt me rettar vår merksemd mot, forandrar karakter.

Det foregår følgende søndager kl 19 i Prøvesalen på Griegakademiet:

22. oktober

5.november

19.november

Info om Samkopf: https://no.wikipedia.org/wiki/Kjell_Samkopf

Me oppfordrar publikum til å ta med sine eigne favoritthovudtelefonar, for dei som har dette.

Cd-en til verket me høyrer på er å få kjøpt for eit tillegg på kr 50,-

NB!!!!
På grunn av avgrensa tal på plassar kvar kveld, må alle som ynskjer å delta sende ein e-post til bergen@nymusikk.no